सब हेड । ५ जणांवर गुन्हा, दोघांना अटक
प्रतिनिधी । सोलापूर
गोड गोड बोलत डेटिंग ॲपवर ओळख करून एका २८ वर्षीय तरुणाला निर्जन ठिकाणी बोलावून घेत, त्याला बेदम मारहाण करत एक लाख रुपयांची खंडणी मागितल्याची धक्कादायक घटना सोलापूर शहरात उघडकीस आली आहे. याप्रकरणी विजापूर नाका पोलीस ठाण्यात ५ जणांविरुद्ध गुन्हा दाखल करण्यात आला आहे.
अठ्ठाविस वर्षीय तक्रारदार तरुणाने काही दिवसांपूर्वी मोबाईलमध्ये डेटिंग ॲप डाऊनलोड केले. ५ जुलै रोजी या ॲपवर त्यांची ‘Top 20’ नावाच्या एका प्रोफाईल धारकाशी ओळख झाली. त्या व्यक्तीने अभिषेक यांना विजापूर रोडवरील सोनी कॉलेजजवळ भेटायला बोलावले. तो तरुण तिथे गेले असता, त्या व्यक्तीने त्याला स्वतःच्या दुचाकीवर बसवले. मात्र, रूमकडे न नेता तो त्याला एका शेतातील दगडी खोलीत घेऊन गेला.
त्यानंतर त्याला कपडे काढायला सांगितले अभिषेक यांनी कपडे काढल्यानंतर तिथे अचानक इतर ५ जण आले. त्यांनी “तू आमच्या जागेत घाणेरडे कृत्य करत आहेस असे म्हणत तक्रारदार तरुणाला लाथाबुक्क्यांनी बेदम मारहाण करण्यास सुरुवात केली. एकाने मोबाईलवर व्हिडिओ देखील शूट केला. अभिषेक यांनी सुटका करण्याची विनवणी केली असता, आरोपींनी “सुटायचे असेल तर एक लाख रुपये दे, नाहीतर विहिरीत ढकलून देऊ आणि व्हिडिओ व्हायरल करू,” अशी धमकी दिली.
मारहाणीला घाबरून अभिषेक यांनी त्यांच्या बँक खात्यात असलेले ७,००० रुपये आणि भावाकडून ऑनलाईन मागवून घेतलेले २३,००० रुपये असे एकूण ३०,००० रुपये आरोपींनी दिलेल्या स्कॅनरवर पाठवले. या त्रासातून सुटल्यानंतर त्याने आधी सायबर पोर्टलच्या ‘1930’ या क्रमांकावर तक्रार नोंदवली आणि ११ जुलै रोजी विजापूर नाका पोलीस ठाण्यात अधिकृत फिर्याद दिली. त्यानुसार
समर्थ कापसे (रा. दावत चौक, सोलापूर)
किरण अशोक राठोड (वय १९, रा. कल्याण नगर, सोलापूर)) रितेश बनसोडे (रा. लिमयेवाडी, सोलापूर) स्वयंम पडळकर (रा. अंबर हॉटेलच्या मागे, सोलापूर) समर्थ अमोल चव्हाण (वय २०, रा. शहा नगर, लिमयेवाडी, सोलापूर)
यांच्यावर भारतीय न्याय संहिता, २०२३ च्या कलम ३१०(२), ११५(२), ३५२, आणि ३५१(२) अन्वये गुन्हा नोंदवण्यात आला असून, पुढील तपास पोलीस उपनिरीक्षक शितलकुमार निवृत्ती गायकवाड करत आहेत.
