प्रतिनिधी । सोलापूर
महाराष्ट्र कर्नाटक सीमेवरील तडवळ या गावी रेल्वे स्थानकावर यशवंतपूर – बिकानेर रेल्वे गाडी शनिवारी पहाटे विश्रामाकरिता थांबली होती. त्यावेळी अचानक पाच-सहा दरोडेखोर गाडीच्या दिशेने आले. त्यांनी एस 4,,6,7 या चार प्रवाशांच्या डब्यात प्रवेश केला. जबरदस्तीने प्रवाशांना मारहाण केली आणि त्यांच्या जवळील मोबाईल रोख रक्कम व सोने लुबाडून त्यांना दगडफेक करून जखमी केल्याची खळबळजनक घटना घडली आहे. पहाटे अचानक घडलेल्या या प्रकाराने प्रवासी पुरते घाबरले आहेत. घटनास्थळी रेल्वे पोलीस आणि उपचार करणारे डॉक्टर धावले असता काही प्रवासी जखमी झाल्याचे चित्र पाहायला मिळाले. विशेष म्हणजे प्रवाशांनी जेव्हा आपल्यासोबत घडलेली घटना सांगितली तेव्हा विरोध करणाऱ्या अनेक प्रवाशांना दगडफेक करून या दरोडेखोरांनी जखमी केल्याचे त्यांनी सांगितले. मागे एक-दोन वर्षांपूर्वी बोरोटी येथे सिग्नल तोडून प्रवाशांचे 80 तोळे सोने चोरून नेण्यात आले होते तो दरोडाही मोठा होता तोही याच भागामध्ये घडला होता आणि आताही हा तरुणा याच भागात पडल्याने रेल्वे प्रशासनाने या भागात सुरक्षेची कडक तरतूद करणे गरजेचे आहे. शेवटी प्रश्न प्रवासांच्या जीवितेचा आहे.
