प्रतिनिधी । सोलापूर
शाळेत जाणाऱ्या अवघ्या ९ वर्षांच्या अल्पवयीन मुलीचे अपहरण करून तिच्यावर निर्घृण लैंगिक अत्याचार करणाऱ्याला सोलापूर न्यायालयाने मरेपर्यंत तुरुंगवासाची ऐतिहासिक आणि कठोर शिक्षा सुनावली आहे. सोलापूरचे जिल्हा व विशेष न्यायाधीश जे. जे. मोहीते यांनी हा महत्त्वपूर्ण निकाल दिला असून, आरोपीला मरेपर्यंत कारावास आणि एकूण ७१ हजार रुपये दंडाची शिक्षा ठोठावली आहे. बापू सिद्धप्पा कुसेकर (वय २५, रा. अक्कलकोट, जि. सोलापूर) असे शिक्षा झालेल्या आरोपीचे नाव आहे.
