Saturday, November 21, 2026
News Wala
  • होम
  • सोलापूर
  • महाराष्ट्र
  • राजकीय
  • देश – विदेश
  • आरोग्य
  • नोकरी
  • खेळ
  • मनोरंजन
No Result
View All Result
News Wala
No Result
View All Result

सांगोला येथे १५ लाखांचा भेसळयुक्त दुधसाठा जप्त; अन्न व औषध प्रशासनाची कारवाई

Admin by Admin
July 11, 2026
in solapur
0
0
SHARES
18
VIEWS
Share on FacebookShare on Twitter
https://newswala24.com/wp-content/uploads/2026/07/VID-20260711-WA0071.mp4

प्रतिनिधी । सोलापूर

जवळा, ता. सांगोला येथे अन्न व औषध प्रशासन विभागाने मोठी कारवाई करत १५ लाख १ हजार २८० रुपये किमतीचा ३७ हजार ५३२ लिटर भेसळयुक्त दुधसाठा जागेवरच नष्ट केला. तसेच संबंधित आस्थापनेस त्रुटीची पूर्तता करेपर्यंत व्यवसाय बंद ठेवण्याचे निर्देश देण्यात आलेले आहेत, अशी माहिती सहाय्यक आयुक्त (अन्न) साहेबराव देसाई यांनी दिली.

आज दिनांक ११ जुलै रोजी सोलापूर कार्यालयास मिळालेल्या गोपनीय माहितीच्या आधारे अन्न सुरक्षा अधिकारी श्री. गणेश म. कदम व सहकारी अन्न सुरक्षा अधिकारी श्री. मंगेश म. लवटे यांनी बुरुंगेवाडी, जवळा येथील मे. अंजिक्यराणा मिल्क इंडस्ट्रीज या ठिकाणी अचानक धाड टाकली. तपासणी दरम्यान ४ दुधाचे नमुने घेण्यात आले असून उर्वरित ३७ हजार ५३२ लिटर दूध जप्त करण्यात आले.

तपासणीत १. संकलन व चिलिंग युनिटचा वैध परवाना नसणे, २. स्पॉट टेस्टमध्ये दुधात पाणी मिसळल्याचे आढळणे, ३. एसएनएफचे प्रमाण विहित मर्यादेपेक्षा कमी असणे, ४. खरेदी-विक्रीची पद्धतशीर नोंद नसणे व ५. ‘अनुसूची IV’ मधील नियमांचे उल्लंघन होत असल्याचे निदर्शनास आले. दूध नाशवंत असल्यामुळे सदरचा साठा जागेवरच योग्य पद्धतीने नष्ट करण्यात आला.

तसेच आस्थापनेस तपासणीत आढळलेल्या त्रुटींची पूर्तता होईपर्यंत व वैध अन्न परवाना घेईपर्यंत तात्काळ व्यवसाय बंद करण्याचे निर्देश देण्यात आले आहेत.

सदरची कारवाई आयुक्त श्री. तुकाराम मुंढे, अन्न व औषध प्रशासन, मुंबई व सह आयुक्त (पुणे विभाग) श्री. दि. वा. भोगावडे यांच्या मार्गदर्शनाखाली सहाय्यक आयुक्त (अन्न) साहेबराव देसाई व अन्न सुरक्षा अधिकारी गणेश कदम, सहकारी अन्न सुरक्षा अधिकारी मंगेश लवटे यांच्या पथकाने केली.

Previous Post

९ वर्षांच्या चिमुरडीवर अत्याचार करणाऱ्या नराधमाला मरेपर्यंत जन्मठेप सोलापूर न्यायालयाचा निकाल

Next Post

आदिला नदी परिसरातील घरे पाडणार नाहीत – पालकमंत्री जयकुमार गोरे

Admin

Admin

Next Post

आदिला नदी परिसरातील घरे पाडणार नाहीत - पालकमंत्री जयकुमार गोरे

Leave a Reply Cancel reply

Your email address will not be published. Required fields are marked *

  • Home
  • About Us
  • Contact Us
  • Disclaimer
  • Privacy Policy

© Website Design by Digital Buffalo - 9028927697

No Result
View All Result
  • होम
  • सोलापूर
  • महाराष्ट्र
  • राजकीय
  • देश – विदेश
  • आरोग्य
  • नोकरी
  • खेळ
  • मनोरंजन

© Website Design by Digital Buffalo - 9028927697