प्रतिनिधी । सोलापूर
सोलापुरात शेळगी पुलावर आणखीन एकदा भीषण अपघात झाला असून थांबलेल्या ट्रकला एसटीने धडक दिल्याने चालकाचा आणि एका प्रवाशाचा जागीच मृत्यू झाला आहे. Mh 14 – 2b – 0380 या एसटीने उभ्या असलेल्या ट्रकला पहाटे साडेचार वाजता धडक दिली ही घटना शुक्रवारी घडली असून यात एसटी चालक दादाराव भालचंद्र बनसोडे (वय ४३), रा. चिवरी, उमरगा, ता. तुळजापूर, जि. धाराशिव यांचा तर नागुबाई राम रेवगे (वय ४८), रा. अणदूर, ता. तुळजापूर, जि. धाराशिव यांचा मृत्यू झाला आहे. या घटनेत आणखीन दहा जणांना सिविल हॉस्पिटलमध्ये दाखल केले असून तेही जखमी झाले आहेत मात्र अनेक जण शुद्धीवर असून झालेल्या घटनेबाबत माहिती देत आहेत. त्यावरून अपघात कसा काय घडला याबाबत कोणालाच काही ठाऊक नसून जोरदार आवाज झाला आणि त्यात ओरडण्या किंचाळण्याच्या आवाजामुळे काही काळ काहीही समजले नसल्याचे यावेळी अपघातातील प्रवाशांनी सांगितले।
