प्रतिनिधी । सोलापूर
सोशल मिडीयलयातील फेसबुक / इंन्स्टाग्राम / टेलिग्राम / वॉटसअॅप / युट्युब / शेअरचॅट यावर आर्थिक फसवणुकीचे शेअर बाझार गुंतवणुक, टास्क अश्या भ्रामक आकर्षक जाहिरातीव्दारे लोकांची मोठ्या प्रमाणात सायबर फसवणूक होत आहे. तसेच सर्वसामान्य नागरीकांचे बँक खात्याचा वापर केला जात असल्याने, सर्वांनी जागरुक राहणे अंत्यत गरजेचे झाले आहे. असे आवाहन सोलापूर शहर पोलीस प्रशासनाकडून करण्यात आले आहे.
वेगवेगळ्या प्रकारे आमिष दाखवून, धमकी, डिजिटल अरेस्ट, सोशल मिडीया अकाऊंट हॅक करने, शेअर बाजार गुंतवणुक, नोकरी लावणे, ऑनलाईन टास्क पुर्ण करुन मोठ्या प्रमाणात कमाई करने वगैरे प्रकारचे कृत्य करुन त्यांचेकडुन ल प्रमाणात रक्कम उकळण्याचे गुन्हे करीत आहेत. अशा गुन्हयातील रक्कम ही बँक खात्याव्दारे सायबर गुन्हेगार यांचेपर्यत पोहचत आहेत.
सर्वसामान्य लोक अमिषाला बळी पडुन स्वतःचे नावाने बँक खाती काढुन ती सायबर गुन्हेगारांना वापरण्यासाठी देत आहेत. सायबर फ्रॉड संबंधाने या खात्यांना मनिम्युल बँक अकाउंट असे संबोधले जाते. अशा खात्यांबाबत प्राप्त तक्रारीवरुन महाराष्ट्र सायबर विभागाने अशी खाती शोधुन काढली असुन, त्यावर खात्री करुन संबंधीत सायबर पोलीस ठाणे किंवा युनिटकडुन गुन्हे दाखल करण्याचे काम मागील काही दिवसांपासुन सुरु आहे. सोलापूर शहरामध्ये मा. पोलीस आयुक्त एम. राजकुमार, मा. पोलीस उप-आयुक्त साो (गुन्हे/विशा), सोलापूर शहर, मा. सहा. पोलीस आयुक्त साो, (गुन्हे), यांचे मार्गदर्शनात जवळपास अशी ४०० ते ४५० चे असपास म्युल अकाऊंट असल्याची माहिती गोळा करण्यात आली असुन, त्या खात्यांबाबत बँकांकडुन माहिती मागुन ते खातेधारक (अकाऊंट होल्डर) यांचेवर बीएनएस अंतर्गत गुन्हे दाखल करण्याची प्रक्रिया सोलापूर शहर पोलीसांकडुन सुरु करण्यात आली आहे. अत्तापर्यत ११० अकाऊंट होल्डर यांचेवर त्यांनी त्यांचे बँक खाते सायबर गुन्हेगारांशी संगणमत करुन सायबर फ्रॉड मधील रक्कम स्विकारणे, पुढे पाठविणे, वेगवेगळे ट्रांन्झाक्शन करणे यासाठी वापरली आहेत म्हणुन बीएनएस कलमा अंतर्गत गुन्हे दाखल करण्यात आलेले असुन पुढील तपास सोलापूर शहर सायबर पोलीस ठाणेकडुन सुरु आहे.
त्यामुळे कोणीही आपले बैंक खाते, स्वतःचे नावाने असलेले बँक खात्याचे ऑनलाईन अॅक्सेस देवु नये, बँक खात्याचे लिंक चेकबुक, एटीएमकार्ड तसेच मोबाईल सिमकार्ड इतर कोणालाही वापरण्यासाठी देवू नये त्याचा वापर सायबर गुन्हेगारीसाठी किंवा इतर गुन्हेगारी कृत्यासाठी केला जाऊ शकतो. त्यामुळे आपल्याला कायदेशीर कारवाईसाठी सामोरे जावे लागेल.
तसेच स्वतःची फसवणुक टाळण्यासाठी सोशल मिडीयाव्दारे, वॉटसअॅप कॉल, हिंदी /इंग्रजी भाषे मध्ये फोन कॉल वगैरे वरुन बोलून भिती व समाजात बदनामी होईल अशी भिती दाखवत आर्थिक फसवणूकीच्या घटना घडत असतात अशा प्रकारच्या घटने संदर्भात कोणास कॉल अथवा सोशल मिडीयावरुन व्हीडीओ कॉल आल्यास त्यांना प्रतिसाद न देता सोलापूर शहर सायबर पोलीस ठाणे, पोलीस आयुक्त कार्यालय, तिसरा मजला, सोलापूर शहर किंवा जवळच्या पोलीस ठाणे येथे तक्रार करावी तसेच एनसीआरपी हेल्पलाईन क्रमांक १९३० यावर संपर्क साधुन तक्रार दयावी असे आवाहन गुन्हे शाखेच्या पोलीस उपायुक्त डॉक्टर अश्विनी पाटील यांनी केले आहे.
