सब हेड । फौजदार चावडी पोलिसांनी प्रवाशांना लुटणाऱ्या गुन्हेगारांना केले जेरबंद
गुप्त बातमी मिळाली आणि बिना पावती गंठण विकणाऱ्या चोराला एसटी स्टँड क्रमांक दोनवर मैदानात घेरत चोराला फौजदार चावडी पोलिसांनी अटक केली आहे.
सोलापूर एस.टी. स्टँडमध्ये गर्दीचा गैर फायदा घेवुन बसमध्ये चढणाऱ्या / उताणाऱ्या प्रवाशांकडील किंमती दागिनेमाल बॅग चोरण्याचे प्रमाण वाढले होते. त्यानुसार बाबत एम. राज कुमार पोलीस आयुक्त, डॉ. अश्विनी पाटील पोलीस उप-आयुक्त (गुन्हे/वि.शा.), दिलीप पवार सहायक पोलीस आयुक्त (गुन्हे) यांनी गुन्हे शाखेकडील पोलीस अधिकारी व अंमलदार यांना सुचना दिल्या होत्या.
त्याअनुषंगाने गुन्हे शाखेचे वरिष्ठ पोलीस निरीक्षक अरविंद माने मार्गदर्शनाखाली शहर गुन्हे शाखेचे स.पो.नि. दत्तात्रय काळे व त्यांचे तपास पथकातील पोलीस अंमलदार हे आरोपींचा शोध घेत होते. दरम्यान ४ सप्टेंबर रोजी हाजीमलंग शेख यांना गुप्त माहिती मिळाली की, सोलापूर शहरातील दोन नंबर एस.टी.स्टँड समोरील मोकळे मैदान येथे एक इसम विना पावतीचे सोन्याचे गंठण विक्रीकरीता थांबला आहे.
बातमी मिळताच स.पो.नि. दत्तात्रय काळे व त्यांच्या तपास पथकाने त्याचा रुपयाला गाठले आणि अटक केली. यावेळी चौकशी दरम्यान विचारणा केली असता त्याचे नाव उमेर अफसर शेख वय २७ वर्ष व्यवसाय रिक्षाचालक, रा.५९९/१ बी, नवीन विडी घरकुल, सोलापूर अशी माहिती त्याने दिली. सन २०२४ मध्ये सोलापूर एस.टी.स्टँड येथून एस.टी. मध्ये चढणाऱ्या प्रवाशांचे गर्दीचा गैर फायदा घेवून एका महिलेचे पर्समधील सोन्याचे मिनी गंठण चोरी केल्याचे कबूल केले. त्यानुसार फौजदार चावडी पोलीस ठाणे गु.र.नं.११२/२०२४ भा.दं.वि. कलम ३७९ अन्वये दाखल गुन्हा उघडकीस आला आहे.
यावेळी त्याच्या कब्जातून चोरी केलेले १३ ग्रॅम वजनाचे ४०,०००/- रूपये किंमतीचे सोन्याचे मिनी गंठण हस्तगत केले आहे. ही कारवाई स.पो.नि. दत्तात्रय काळे व त्यांचे तपास पथकातील पोलीस अंमलदार हाजीमलंग शेख, अनिल जाधव, रामेश्वर साखरे, कल्लप्पा देखाणे व शंकर याळगी यांनी फत्ते केली.
