प्रतिनिधी । सोलापूर
प्रजापिता ब्रह्मकुमारी परिवाराच्या वतीने सोलापुरात बीके शिवानी दीदी यांच्या प्रवचनाचा कार्यक्रम आयोजित करण्यात आला असल्याची माहिती अनिता करवा यांनी पत्रकार परिषदेत दिली.
दि.१९ नोव्हेंबर रोजी सायंकाळी ५ ते रात्री ८ : ०० वाजेपर्यंत हरीभाई देवकर आणि प्रशालेच्या मैदानावर हा भव्य कार्यक्रम होणार आहे यात शिवानी दीदी इझी माईंड इझी लाईफ या विषयावरती मनातील नकारात्मक विचारावर मात करून शांत मन आणि संतुलित आणि आनंदी जीवन जगण्याची प्रेरणा कशी मिळवावी याचे मार्गदर्शन करणार आहेत याकरिता ज्यांना या कार्यक्रमाचा लाभ घ्यायचा आहे त्यांनी WWW.omshanti.in/solapur या संकेतस्थळावर पूर्व नोंदणी करणे आवश्यक आहे. हा कार्यक्रम सर्वांसाठी मोफत असून याचा सर्व सोलापूरकरांनी याचा लाभ घ्यावा असे आवाहन यावेळी ब्रह्मकुमारी परिवाराच्या प्रज्ञा बेन प्रदीप शिंगवी, नंदा भट्टड यांनी केले आहे. विशेष म्हणजे ब्रह्मकुमारी परिवारातील बाळे येथील दिव्य दीप सरोवर येथील केंद्रात तीन हजाराहून अधिक गीता पाठशाळेचे कुमार कुमारी ब्रह्मभोजन करणार आहेत यात ज्यांना ज्यांना इच्छा असेल त्यांनी हे सहभाग नोंदवायचा आहे. याशिवाय सोलापूरकरांसाठी २०, २१ आणि २२ नोव्हेंबर रोजी छत्रपती रंगभवन सभागृहात सकाळी ७ ते ८ आणि सायंकाळी ६ : ३० ते ७ : ३० यावेळी जादुई प्रभाव टाकणाऱ्या मेडिटेशनचे शिबिर आयोजित करण्यात आले आहेत यात बीके डॉक्टर दामिनी दीदी या मार्गदर्शन करणार आहेत तरी या शिबिराचा लाभ सोलापूरकरांनी घ्यावा असे हे आवाहन यावेळी करण्यात आले.
