सभेहेड । प्रभाग क्रमांक १ मध्ये उपक्रम क्रमांक १ उत्साहात संपन्न; नगरसेवक श्रीनिवास दायमा यांचा पुढाकार
प्रतिनिधी 
। सोलापूर
महाराष्ट्र राज्याचे मुख्यमंत्री देवेंद्रजी फडणवीस साहेब यांच्या ५६ व्या वाढदिवसाचे औचित्य साधून सोलापूर शहरात भाजप शहराध्यक्षा रोहिणीताई तडवळखकर यांच्या नेतृत्वाखाली एकाच दिवशी ५६ विविध सामाजिक उपक्रम राबवून नवा विक्रम प्रस्थापित करण्याचे भव्य नियोजन करण्यात आले आहे.
याच उपक्रमांची मालिका सुरू करत प्रभाग क्रमांक १ मधील मनपा शाळा क्रमांक ३ मध्ये ‘उपक्रम क्रमांक १’ अंतर्गत गरजू विद्यार्थ्यांना शालेय साहित्याचे वाटप करण्यात आले. हा उपक्रम नगरसेवक श्रीनिवास दायमा यांच्या विशेष पुढाकारातून आणि आयोजनातून पार पडला.
शालेय साहित्य मिळाल्याने विद्यार्थ्यांच्या चेहऱ्यावर आनंदाचे वातावरण दिसून आले. मुख्यमंत्री देवेंद्रजी फडणवीस साहेब यांच्या वाढदिवसानिमित्त सामाजिक बांधिलकी जपत विद्यार्थ्यांच्या शैक्षणिक वाटचालीस मदत व्हावी, या उद्देशाने हा उपक्रम राबवण्यात आला आहे, असे प्रतिपादन यावेळी नगरसेवक श्रीनिवास दायमा यांनी केले.
या प्रसंगी नगरसेवक गौतम कसबे, प्रमोद काशीद, शशिकांत थोरात, महेश नांदगावकर यांच्यासह मनपा शाळेचे मुख्याध्यापक, शिक्षकवृंद, नागरिक व विद्यार्थी मोठ्या संख्येने उपस्थित होते.