सब हेड । पालकांची भूमिका अन जागरूकता, डॉ. संजीवनी कुळकर्णी सुजाता लोहकरे यांचे मार्गदर्शन
प्रतिनिधी । सोलापूर
पाल्याना योग्य वयात योग्य माहिती देणे, पाल्यांना चांगला व वाईट स्पर्श समजला पाहिजे. याकाळात होणारा बदल ओळखता आला पाहिजे; स्वतःची सुरक्षिता व वैज्ञानिक मर्यादा ओळखता आली पाहिजे. किशोर अवस्थेतील शारिरिक व मानसिक बदल समजले पाहिजेत. पालकांची जागरुकता अत्यंत महत्वाची असल्याच्या भावना सक्षम दिव्यांग केंद्र सोलापूर आणि रामकृष्ण सेवा प्रकल्प सोलापूर व मॅन फाउंडेशन करकंब पंढरपूर यांच्या संयुक्त विद्यमाने आयोजित करण्यात आलेल्या कार्यशाळेत व्यक्त झाला.
जुळे सोलापुरात चैतन्य नगर सोसायटी येथे आयोजित करण्यात आलेल्या या कार्यक्रमात प्रमुख वक्त्या म्हणून डॉ. संजीवनी कुळकर्णी आणि मॅन फाऊंडेशनच्या सुजाता लोहकरे यांनी यावेळी पालकांना अनमोल गोष्टींचा सल्ला दिला आजच्या काळात सजग पालक म्हणून आपली जबाबदारी किती महत्त्वाची आहे याचे उदाहरणासह स्पष्टीकरण दिले.
यावेळी कुळकर्णी यांनी लैंगिक प्रशिक्षणात पालकाची भूमिका काय असते. याबाबत सखोल मार्गदर्शन केले तर लोहोकरे यांनी पालकातील जागरुकता, पाल्याची सुरक्षितता यावर चर्चा केली.
आरंभी प्रतिमा पूजन करून कार्यक्रम सुरू करण्यात आला. यावेळी पालकांनीही या कार्यशाळेत आपल्या मनातील अनेक प्रश्न विचारत आपल्या शंकांना मार्ग मोकळा करून दिला.
या कार्यक्रमाचे सूत्रसंचालन श्री तपसाळे यांनी केले. या कार्यक्रमास सक्षम सोलापूर अध्यक्ष नंदिनी मालगते, डॉ. अश्विनी अंधारे, रेश्मा साबळे , प्रथा राऊत, भाग्यश्री पाटील आणि मोठ्या प्रमाणावर पालक मंडळी उपस्थित होते.
