प्रतिनिधी । सोलापूर
सोलापूर शहरात ३३ वर्षीय आईने आपल्या १४ वर्षीय मुलीसोबत आज पहाटे रेल्वेखाली आत्महत्या केल्याची हृदयद्रावक घटना घडली आहे. वर्षा पांडुरंग आढतराव (वय ३३) आणि मुलगी स्वरा पांडुरंग आढतराव (वय १४), दोघी राहणार सुशील नगर, विजापूर रोड, सोलापूर असे आत्महत्या केलेल्या दोघीचे नाव असून दि. २६ जुलै २०२६ पहाटेच्या सुमारास ही घटना घडली आहे.
घटनेची माहिती मिळताच रेल्वे पोलीस तातडीने घटनास्थळी दाखल झाले. त्या दोघींचे मृतदेह शवविच्छेदनासाठी सोलापूर येथील श्री छत्रपती शिवाजी महाराज सर्व उपचार रुग्णालयात पाठविण्यात आले आहेत.पोलिसांनी सांगितले की, आत्महत्येचे नेमके कारण अद्याप समजले नाही. याबाबत तपास सुरू आहे. या घटनेमुळे सुशील नगर परिसरात मोठी खळबळ निर्माण झाली असून, स्थानिक नागरिकांमध्ये शोक व्यक्त होत आहे.
